Կյանքի կարևոր գործերում միշտ պետք է շտապել այնպես, որ ասես թե մեկ րոպեի կորստով պետք է ամեն ինչ կործանվի:
Վ. Գ. Բելինսկի
Զարմանալի է կառուցված մարդը,նա վշտանում է,երբ կորցնում է հարստությունը,և անտարբեր է այն բանի նկատմամբ,որ անվերադարձ անցնում են նրա կյանքի օրերը:
Միջին մարդը մտահոգված է այն բանով,թե ինչպես սպանի ժամանակը,իսկ տաղանդավոր մարդը ձգտում է այն օգտագործել:
Ա. Շոպենհաուեր
Ես չեմ պատկերացնում այնպիսի վիճակ,որ երբևէ անելու բան չլինի:
Ֆ. Մ. Դոստոևսկի
Մեկ այսօրը արժե երկու վաղվան:
Բ. Ֆրանկլին
Թշթախաղը մտավոր սնանկության բացահայտ դրսևորում է: Ի վիճակի չլինելով մտքեր փոխանակելու ,մարդիկ խաղաթղթեր են փոխանակում:
Ա. Շոպենահաուեր
«Վաղը» «այսօրվա» մեծագույն թշնամին է. «վաղը» ջլատում է մեր ուժերը,մեզ հասցնում անզորության,մեր մեջ պահպանելով անգործությունը:
Է. Լաբուլե
Ժամանակ ընտրել՝ նշանակում է խնայել ժամանակը, իսկ ինչ արված է ոչ ժամանակին ՝արված է զուր տեղը:
Ֆ. Բեկոն
Չի կարելի սպանել ժամանակը,դրանով չվնասելով հավիտենականությանը:
Հ. Թորո
Միշտ կարելի է բավականաչափ ժամանակ գտնել,եթե այն լավ օգտագործվի:
Ի. Գյոթե
Ով չի կարողանում խելացի օգտագործել իր ժամանակը՝ նա առաջինն է գանգատվում դրա պակասից. նա օրերն սպանում է հագնվելու, ուտելու, քնելու, դատարկ խոսակցությունների, մտորումների վրա այն մասին ,թե ինչ պետք է անել ,և պարզապես պարապության վրա:
Ժ. Լաբրյուեր
Ժամանակի կորուստը ավելի ծանր է նրա համար,ով ավելի շատ գիտի:
Ի. Գյոթե
Ոչ մի բան ավելի տանջալից չէ իմաստուն մարդու համար և ոչ մի բան նրան ավելի մեծ անհանգստություն չի պատճառում,քան ավելի շատ ժամանակ վատնելու անհրաժեշտությունը դատարկ ու անօգուտ բաների վրա ,որոնք արժանի չեն դրան:
Պլատոն
Դու սիրո՞ւմ ես կյանքը: այդ դեպքում ժամանակ մի կորցնի,որովհետև ժամանակը հյուսվաղք է,որից կազմված է կյանքը:
Բ. Ֆրանկլին
Ժամանակը,որ այնպես արագընթաց է,ժամանակը,որ գնում է անվերադարձ՝ ահա մարդու ամենաարժեքավոր սեփականությունը,և այն քամուն տալը վատնողության ամենասուր ձևն է:
Ս. Մոեմ
Մարդկային կյանքը բազմապատկվում է խնայված ժամանակի գումարով:
Ֆ. Կոլիեր
Եթե ժամանակն ամենաթանկարժեք բանն է ,ապա ժամանակի մսխումը ամենամեծ վատնողությունն է:
Բ. Ֆրանկլին
Հապաղումը ,որ երբեմն շատ օգտակար է հանգիստ ժամանակ, կարող է կործանարար լինել փորձության ժամին:
Ա. Լամարտին
Ով երկար է մտորում ,միշտ չէ ,որ լավագույն լուծումն է գտնում:
Ի. Գյոթե
Գործունեությունը միակ ուղին է դեպի գիտելիքները:
Բ. Շոու
Այն հոգին ,որի մեջ չկա իմաստություն,մեռած է: Բայց եթե այն հարստացնես ուսուցմամբ,նա կվերադառնա խոպան հողի նման ,որի վրա անձրև է տեղացել:
Աբուլ-Ֆարաջ
Փորձառությունը մի դպրոց է ,որտեղ դասերը թանկ արժեն,բայց դա միակ դպրոցն է,որտեղ հնարավոր է սովորել:
Բ. Ֆրանկլին
Տգետ են լինում միայն նրանք ,ովքեր վճռում են մնալ այդպիսին:
Պլատոն
Մարդկությունը առավել հաջողությամբ զարգացել է միայն ինքնակրթության միջոցով:
Հ. Սպենսեր
Գիտելիքը այն ժամանակ է գիտելիք ,երբ այն ձեռք է բերված քո մտքի ջանքերով,այլ ոչ թե հիշողությամբ:
Լ. Ն. Տոլստոյ
Երբեք մի դադարեք ձեր ինքնակրթության աշխատանքը և մի մոռացեք ,որ որքան էլ սովորեք,որքան էլ իմանաք՝ գիտելիքներին ու կրթությանը ոչ վերջ կա ,ոչ սահման:
Ն. Ա. Ռուբակին
Իր մտքերը լավ արտահայտել չկարողանալը թերություն է,բայց ինքնուրույն մտքեր չունենալը էլ ավելի մեծ թերություն է.իսկ ինքնուրույն մտքերը բխում են միայն ինքնուրույն ձեռք բերված գիտելիքներից:
Կ. Դ. Ուշինսկի
Չպետք է վարանել սխալներ կատարելու երկյուղից,ամենամեծ սխալը փորձառությունից իրեն զրկելն է:
Լ. Վովենարգ
նկ. Անիբալե Կարաչչի«Ժամանակի և Ճշմարտության ալեգորիան»
Комментариев нет:
Отправить комментарий