Եվ նոքա , ում սիրեցի,իմ սիրով ու խնդությամբ, Արբեցին ու մոռացան-ու ինձ ոչինչ չըմնաց....

  Նվ. Թումանյանին 1914,հոկտեմբեր,2-րդ կես,Պետերբուրգ

նկ. Աննա Ռազումովսկայա
Դուք ինձնից չպետք է նեղանաք ,սիրելի  և լավ Նվարդ,իմ գործերը այնպիսի ընթացք ստացան ,որ հնար չունեի իմ սրտի և հոգու մասին մտածելու:Մոսկվայում ,հակառակ իմ ցանկության և ի վնաս իմ գործի,մնացի ամիս և կես և այն խառն ու անախորժ գործերի մեջ խրված...

Վ. Տերյանի նամակը Մ. Շահխաթունուն

               1917,17մարտի,Սուխումի


Սիրելի Գրետա
 Ձեր փոքրիկ նամակն ու սիրուն բացիկն ստացա:Բացիկի վրա նկարված աղջիկն իրոք քնքուշ էր ու սիրուն,բայց նա ու՜ր,Գրետան ու՜ր...եթե ինձ հարցնեին,ես կասեի,որ Մարգոն բյուր և բյուր անգամ և սիրուն է ,և սիրելի:Ահա մի շաբաթ է ուզում եմ գրել Ձեզ և չի հաջողվում:Վերջերս դեպքերն այնքան հուզիչ են ,որ ոչ միայն գրել,այլ հանգիստ նստել չի կարողանում մարդ:Ես իսկույն ուզում էի գնալ այստեղից,բայց ֆիզիկական հնար չկա: