Ժամանակ առ ժամանակ ինձ վշտացնում է այն միտքը,որ հանճարեղության համար գոյություն ունի սահմաններ, իսկ հիմարության համար՝ոչ:
Ա.Դյումա-որդի
Չկա այնպիսի հիմարություն,որը հնարավոր չլինի ուղղել խելքի օգնությամբ,և չկա այնպիսի իմաստություն,որը հնարավոր չլիներ փչացնել հիմարության օգնությամբ:
Ի. Գյոթե
Աշխարհում հիմարներն ավելի շատ են,քան խաբեբաները,այլապես խաբեբաների համար ապրելու բան չէր լինի:
Ս. Բաալեր
Բոլոր գողերից ամենավնասակարները հիմարներն են՝ նրանք մեզանից միաժամանակ հափշտակում են ժամանակը և տրամադրությունը:
Ի. Գյոթե
Հիմար է նա,ով փորձում է սեփական ոչնչությունը սքողել իր նախնիների ծառայություններով:
Հ. Հայնե
Նրբինությունը դեռևս չի ապացուցում խելքի առկայություն:Հիմարները և նույնիսկ խելագարները լինում են զարմանալիորեն նրբամիտ:
Ա.Ս. Պուշկին
Խելքի պակասությունը չպետք է բացատրել հիշողության պակասով:
Կ.Հելվեցիուս
Ոչ մի բանի վրա չզարմանալը ,հասկանալի է, հիմարության հականիշ է, այլ ոչ թե խելքի:
Ֆ.Մ. Դոստոևսկի
Ոչ ոք մշտապես հիմար չի լինում,երբեմն՝ լինում է յուրաքանչյուր ոք:
Ջ. Հերբերտ
Եթե խելացի մարդը հիմարություն է անում ,ապա,համենայն դեպս ոչ փոքր:
Ի. Գյոթե
Չկա ավելի տանջալից բան ,քան հենց նոր կատարած հիմարության գիտակցումը:
Ի.Ս. Տուրգենև
Ինչպե՜ս չցանկանալ,որ սրիկան լինի ալարկոտ,իսկ հիմարը՝ լռակյաց:
Ն. Շամֆոր
Լինում է երկու տեսակի հիմարություն՝սակավախոս և շատախոս:
Օ. Բալզակ
Ավելի վտանգավոր բան չկա այն հիմարից,որը ջանում է խելացի երևալ:
Ի. Գյոթե
Խելացի լինելուն չափազանց խանգարում է այդպիսին երևալու եռանդուն ձգտումը:
Ֆ. Լարոշֆուկո
Իսկ հիմարությունը խոստովանող հիմարը արդեն հիմար չէ:
Դոստոևսկի
Հարկավոր է մեծ խելք ունենալ,որպեսզի կարողանալ ցույց տալ սեփական մտավոր գերազանցությունը:
Ֆ. Լարոշֆուկո
Մարդկային տգիտության մեջ խիստ մխիթարական է հիմարություն համարել այն ամենը,ինչ չգիտես:
Դ. Ի. Ֆոնվիզին
Քանի որ հնարավոր չէ խելքը նվաստացնել,նրանից վրեժ են առնում ՝ նրան ենթարկելով հալածանքի:
Պ. Բոմարշե
Ինչի ՞ց է ,որ կաղ մարդը չի գրգռում,իսկ մտավոր կաղը գրգռում է: Նրանից է,որ կաղը գիտակցում է, որ մենք ուղիղ ենք քայլում,իսկ մտավոր կաղը պնդում է ,որ ոչ թե ինքը ,այլ մենք ենք կաղում:
Բ. Պասկալ
Եթե իմաստունն ընկնում է հիմարների մոտ,նա չպետք է նրանցից հարգանք սպասի,իսկ եթե հիմարն իր շաղակրատությամբ հաղթի իմաստունին,ապա դրանում ոչ մի զարմանալի բան չկա,քանի որ քարով կարելի է ջարդել ալմաստը:
Սաադի
Իմացիր,որ հիմարներին պետք է պատասխանել լռությամբ:
Կաբուս
նկ.Իերոնիմուս Բոսխ ,«Հիմարության քարը հեռացնում են գլխից» )))
Комментариев нет:
Отправить комментарий